Jati Kasilih Ku Junti

11 Juni 2011 / 07:40 Dibaca sebanyak: 794 kali Tulis komentar

Anis fahrunisaBasa, adab, seni, budaya, kaunikan, tradisi, jeung naon nu nyampak di Sunda ayeuna geus lamokot ku akulturasi nu teu merenah tur ngaleungitkeun asli jeung kaaslian Sundana.

Jawadah tutung biritna sacarana-sacarana, kiwari ukur jadi barang anu langka nu mungkin bae baris dimusieuman, kadituna ngan saukur wates tugu ngajegir jadi patung pangeling wungkul. Deudeuh temenan Sunda mun leungit ilang tanpa karana.

Kalimat kasangga kalingga murda katampi ku asta kalih bakal mopohokeun urang Sunda ka Sundana sorangan. Di tiap wewengkon Jawa Barat nu kasebut nyunda, inggis ku bisi rempan ku sugan tinangtu jadi pasieup wungkul, anu akhirna Sunda jeung urang Sunda kawas pantun teu jeung kacapina.

Titenan ku urang Sunda nu ngan sakadar ngaku wungkul yen dirina turunan Sunda, boa geus ka mana endahna jaipongan jeung cianjuran, degung panggung nu asri geus teu nyari kusabab geus leungit aslina tea. Gamelan nu tari jaipongan salin jinis ku musik dugem nu geus miceun saron jeung bonang.

Lingkung seni saeuyeup sa-Jawa Barat disulap jadi grup elektunan nu nyiptakeun jurang pamisah nu teu sirikna tunggul dirarud catang didupak. Ayeun sinden nu emok nu andalemi ngajangelek jadi biduan nu seksi. Jaipongan nu pada muru mingkin epes meer kalindih ku gunyan-ginyeun, gutak-gitek, kulat-kelet, tur runya-renyu artis panggung nu bahenol. Beu!?

Cag heula dugi kadieu. Ieu kabeh emuteun sarerea anu ngaku dirina urang Sunda.

Penulis: Anis Fahrunisa (Guru Sekolah Menengah Kejuruan Almarwah)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

This site uses Akismet to reduce spam. Learn how your comment data is processed.